"У билан ҳали гаплашганим йўқ, лекин буни албатта амалга оширишим керак. У — ажойиб футболчи. Ҳозир Михаил учун оғир вақтлар. Мен, у ва клуб учун қулай пайт келганда, албатта ўтириб гаплашиб оламиз", — деди Росеньор "Кристал Пэлас"га қарши ўйин олдидан ўтказилган матбуот анжуманида.
Эслатиб ўтамиз, 2024 йилнинг декабрь ойида Мудрикнинг топширган таҳлилида тақиқланган моддалар рўйхатига кирувчи мельдоний аниқланган ва у футболдан четлатилган эди. Ушбу воқеага қадар 25 ёшли футболчи "аристократлар" сафида 73 та ўйинда майдонга тушиб, 10 та гол ва 11 та голли узатмани ўз ҳисобига ёзиб қўйган эди.
