"The Touchline" нашрининг хабар беришича, ФИФА расман инқилобий янгиликни тасдиқлади: ушбу Жаҳон чемпионатида томошабинлар ўйиннинг танаффусида ўйинчилар билан қисқа интервьюларни кўради.
Ушбу форматни амалга ошириш телерадиокомпанияларнинг ташаббусига боғлиқ бўлади. Муайян ўйиннинг расмий трансляция ҳуқуқига эга бўлган телеканаллар энди ФИФАга танаффус вақтида интервью олиш учун махсус сўров юбориш ҳуқуқига эга.
Агар сўров маъқулланса, каналлар томонидан танланган ўйинчилар кийиниш хонасига кетаётганда микрофонларга яқинлашишлари ва журналистларнинг саволларига жавоб беришлари шарт бўлади.
