Ilhom Mo'minjonov (“Navbahor” bosh murabbiyi): - Bugungi g'alabamizni “Navbahor” muxlislariga bag'ishlaymiz. Ayrim muxlislarimiz hattoki, Buxoroga kelib, bizni qo'llab-quvvatlab turishdi va ularning ishonchlarini oqlaganimizdan xursandman. Shogirdlarim bugun ajoyib o'yin namoyish etib, zafar quchishdi. Buning uchun ularga o'z minnatdorchiligimni bildiraman.
O'yindagi to'xtalishlar futbolning bir qismi. Yutqazayotgan jamoa a'zolari esa buni ataylab vaqtni cho'zish, deb tushunishadi. Oldingi turda Namanganda “Neftchi”ga qarshi kechgan bahsda ham xuddi shunday holat yuz bergandi. Bizga farg'onaliklar vaqtni cho'zgandek tuyulishgandi. Bahsdagi to'xtalishlarning ko'pi darvozabonimiz Akbar To'raev bilan bog'liq bo'ldi. Yana bir darvozabonimiz Botirali Ergashev O'zbekiston olimpiya terma jamoasi yig'inida qatnashyapti. Akbar To'raevda biroz jarohat bo'lishiga qaramay, uni tavakkal qilib, maydonga tushirlik. Yaxshi, u o'yinning oxirigacha o'ynadi.
Akbar To'raev (“Navbahor” darvozaboni): - Ustozimiz Ilhom Ibrohimovich takidlaganlaridek, g'alabamizni jamoamizning barcha muxlislariga bag'ishlaymiz. Uchrashuv juda qiyin kechdi. Shunday bo'lsa-da, zafar quchdik. Keyingi o'yinlarda ham g'alaba qozonib, muxlislar ishonchini oqlaymiz, degan umiddaman.
