Игуаин агрессив ҳаракатлари учун тўрт учрашувга дисквалификация қилинди

Aslanov Jasurbek
5 апр 2016, 17:31
Италия футбол федерацияси "Удинезе"га қарши учрашувдаги (1:3) агрессив ҳаракатлари учун "Наполи" ҳужумчиси Гонсало Игуаинни тўртта ўйинга дисквалификация қилди.

Баҳснинг 75-дақиқасида аргентиналик тўпсиз холатда рақиб ҳимоячиси Фелипега зарба берди ва иккинчи сариқ карточкани олиб, майдонни тарк этди. Бундан сўнг у ҳакамни ва иккала жамоа футболчиларини турткилай бошлади. Кийиниш хонасига боргунича у ҳаммага бақиришга улгурди.

Неаполликлар устози Маурицио Сарри ҳакамларнинг қароридан норози бўлгани учун бир учрашувга дисквалификация қилинди.


Aslanov JasurbekМуаллиф
Манба: championat.com