Ўйиннинг 70-дақиқасида мюнхенликлар ҳимоячиси Джонатан Та "қаймоқранглилар" ҳужумчиси Килиан Мбаппенинг оёғини босиб олди. Баҳс бош ҳаками Майкл Оливер ушбу вазиятда ҳимоячига сариқ карточка кўрсатиш билан чекланди.
"Бу жуда қўпол вазият эди. Та қизил карточкадан қутулиб қолди, чунки у рақиб оёғини шунчаки илдириб олди, аммо бутун вазни билан босиб юбормади", — деди Итурральде.
Эслатиб ўтамиз, ушбу учрашувда "Бавария" сафарда 2:1 ҳисобида ғалаба қозонди. Жамоалар ўртасидаги жавоб баҳси 15 апрель куни Мюнхенда бўлиб ўтади. Унда Джонатан Та майдонга тушиш имкониятига эга бўлади.
