Bu haqda "The Athletic" xabar berdi.
Manbaga ko'ra, muhokama qilinayotgan ehtimoliy yangiliklar orasida aut yoki darvozadan to'p kiritilganda vaqtni orqa sanash (taymer) joriy etish taklifi ham bor. Shu orqali jamoalar standart holatlarni qatiy belgilangan vaqt ichida bajarishga majbur bo'ladi.
Shuningdek, futbol qonun chiqaruvchilari almashinuvlarni amalga oshirish uchun ham vaqt limitini belgilash masalasini ko'rib chiqmoqchi. Bu almashinuvlardan o'yinni cho'zish usuli sifatida foydalanishning oldini olishga qaratilgan.
Qayd etilishicha, IFAB bu yo'nalishda avvaldan qadamlar tashlab kelmoqda. Ilgari shunday qoida joriy etilgan ediki, agar darvozabon to'pni qo'lida 8 soniyadan ortiq ushlab tursa, raqib jamoa foydasiga burchak zarbasi belgilanadi.
