Яқинда унинг "Ривер Плейт"га ўтиши ҳақида яна гап-сўзлар пайдо бўлди, бироқ унга Европадан ҳам қизиқиш бўлган.
"Супер Марио" хизматларига Польша Биринчи лигасида 6-ўринда бораётган Краковнинг "Вечиста" жамоаси қизиқиш билдирган, аммо клуб вице-президенти Славомир Пешко бу мавзу жуда тез ёпилганини айтди.
Ҳа, шундай бўлган. Ростдан ҳам. Аммо мен унинг ижтимоий тармоқлардаги машғулотини кўрдим — у қандай ҳолатда эканини. Шундан кейин бу фикрдан воз кечдим", — деди Пешко "Kanał Sportowy"га.
Польшалик журналист Пётр Козмински эса трансфер амалга ошмаганининг бошқа сабабини келтиради. Унинг маълумотларига кўра, Польшадаги энг бой клублардан бири саналадиган "Вечиста" Балотеллининг молиявий талабларини қондиришга қодир бўлмаган, шунингдек, футболчининг ўзи ҳам бундай паст даражада ўйнашни истамаган.
