"Унинг жамоаси фантастик футбол кўрсатмоқда ва у дунёдаги энг яхши мураббийлардан бири. Менга унинг жўшқинлиги, жамоасининг прессинг қилиши, ўйинчиларнинг позицияларини ўзгартириши ва тизимининг эгилувчанлиги ёқади.
Ўйлашимча, эртанги ўйин биз учун яхши синов бўлади. Жамоамиз охирги 11 та ўйинда ғалаба қозонган жамоа каби ишонч билан ўйнашини хоҳлардим. Биз охирги икки йилдаги дунёнинг энг яхши жамоасига қарши ўйнаймиз. Бу биз учун имкониятдир.
Ярим ҳимоя ҳал қилувчи аҳамиятга эга бўлади. Ҳар иккала жамоанинг ушбу чизиғида ажойиб ўйинчилар бор. Агар тўпга эгалик қилсак, улар бизга гол ура олишмайди. Энг муҳими — хатоларга йўл қўймаслик, чунки ПСЖ ҳужумларни якунлашда жуда совуққон. Биз жуда эътиборли бўлишимиз керак", — дейди Фликнинг сўзларини УЕФА расмий сайти.
