"Мен бу мавзуда гапиришни хоҳламайман. Ҳаммаси бир нарсага бориб тақалади: ёки Хулиан, ёки янги ҳужумчисиз ўйнаймиз. Менга клубдаги вазият маълум: жуда яхши трансферлар амалга оширилди. Клуб келажак ҳақида ўйлаши керак, мен эса мураббий сифатида янада кўпроғини хоҳлайман. Мен ўз жамоамга тўлиқ ишонаман ва биз ечимлар топишимиз керак бўлади. Футболчиларнинг савияси жуда юқори. Деку ажойиб ишни амалга оширмоқда. Биз келажакка — ҳозир ва яқин уч-беш йил истиқболида нима энг яхши бўлишига қарамоқдамиз. Биз клуб учун барқарорликни хоҳлаймиз", – дея Фликнинг сўзларини келтирмоқда Marca.
Таъкидлаш жоизки, Альвареснинг "Барселона"га ўтишга бўлган қизиқиши фонида унинг атрофидаги вазият мураккаблигича қолмоқда: футболчи ёз давомида трансфер имкониятини кўриб чиқмоқда, аммо "Атлетико" раҳбарияти ўйинчини қўйиб юборишни режалаштирмаяпти. Испания чемпионатининг 1-турида "Атлетико" "Вильярреал" билан дуранг ўйнаганида (2:2), "матрасчилар" мухлислари Альваресни норози ҳайқириқлар ва хуштакбозлик билан кутиб олишди. Хулиан иккинчи бўлимда захирадан майдонга тушган эди.
