43 ёшли рефери Radboud University Nijmegen университетининг бизнес-бошқарув йўналишини якунлаган. У отаси билан C1000 номли супермаркетлар ва сартарошхоналар тармоғи эгаси ҳисобланади.
2011 йилда Киевнинг "Динамо" ҳамда "Брага" ўртасидаги Европа лигаси чорак финал учрашувини бошқарган Куйперс хуштакдан сўнг тўпни тепиб юборган Андрей Шевченкога иккинчи сариқ карточка кўрсатиб, уни майдондан чиқариб юборади. Бу четлатиш украиналикнинг фаолиятидаги биринчи дисквалификацияси эди. Ўша баҳсдан сўнг Бьорн Куйперснинг ёрдамчисига мухлис ҳужум қилади.
