"Real Madrid" (Ispaniya) – "Bavariya" (Germaniya) 2:1

Gol: 0:1 – 68 Devis, 1:1 – 88 Xoselu, 2:1 – 90+1 Xoselu.

Dastlabki o'yin: 2:2

Real Madrid – Lunin, Karvaxal, Nacho, Ryudiger, Mendi, Valverde (Xoselu, 81), Bellingem (Militao, 90), Kroos (Modrich, 69), Tchuameni (Kamavinga, 70), Vinisius Junior, Rodrigo (Braim Dias, 81).
Bavariya – Noyer, Dayer, de Ligt, Mazraui, Pavlovich, Laymer, Kimmix, Sane (Kim Min Chje, 76), Musiala (Myuller, 84), Keyn (Shupo-Moting, 85), Gnabri (Devis, 27).
Ogohlantirishlar: Kamavinga (90+11).

90+14. O'yin yakunlandi! "Real Madrid" finalda! "Borussiya D" va "Real" finalda o'ynaydi. Manzil – "Uembli"!

~~90+13. GOOOL! "Bavariya"! Yo'q, ofsayd bor ekan. De Ligt urgan gol ofsayd sabab bekor qilindi.~~

VAR orqali gol toza ekani ma'lum bo'ldi. Xoseluning umridagi eng omadli o'yin, demoqda sharhlovchilar. Haqiqatdan ham.

90+2. GOOOOOOOOOOOOOOOOOOOOOOOL! Xoseludan dubl! "Bernabeu"da 90+ daqiqa futbol o'ynaladi!

90+1. GOOOOOOOOOOOOOOOOOOL! Yana hisoblanmaydimi? VARga murojaat qilamiz.

90. "Real" o'zining eng xavfli ko'rinishini ko'rsatmoqda.

88. GOOOOOOOOOOOOOOOOOOOOL! "Real Madrid"! Noyer deyarli egallab olgan to'pini qo'lidan chiqarib yubordi, qaytgan to'pni Xoselu darvozaga joylab qo'ydi!

85. O'ZGARISHLAR. Musiala maydonni tark etdi, Myuller maydonda paydo bo'ldi. Keyn ketdi, Shupo-Moting maydonga tushdi.

84. Manuel Noyer ayni daqiqaga qadar uchrashuvning eng yaxshi o'yinchisi bo'lib turibdi.

83. VINIIIII!? Qanday qilib? Ryudiger havodan uzatgan to'pni Vinisius Junior darvozaga aniq yo'llay olmadi. Juda qulay imkoniyat ko'kka sovurildi.

76. O'ZGARISH. Leroy Sane o'rniga Kim Min Je maydonga tushdi.

75. O'yin shunchaki olov! Olov! Yonmoqda!

73. "Real" urgan gol VAR sabab bekor qilindi. Nacho hujumda qoidani buzgani ma'lum bo'ldi.

73. Vaziyatga VAR aralashmoqda!

~~71. GOOOOOOOOOOOOOOOOOOOL! "Real" qaytmoqda! Biroq, bu gol inobatga olinarmikan?~~

68. GOOOOOOOOOOOOOL! "Bavariya"! Alfonso Devis o'qday zarba yo'lladi va to'pni darvozaga tiqib yubordi!

66. ZARBAA! Musiala jarima maydoni ichidan zarba yo'lladi. Lunin to'pni chiqarib yubordi. Burchak zarbasi.

65. Karvaxal o'z zarbasi bilan yuqori sektordagi muxlislarni nishonga oldi.

60. ZARBAAAAAAAAAAAA! Vini jarima maydoni ichidagi hammadan o'tib, zarba yo'lladi. Noyerdan esa navbatdagi fantastik seyv. "Real" yaqinlashmoqda...

58. ZARBAAAAAAAAA! Rodrigo jarima zarbasidan super zarba yo'lladi! Noyerdan esa super seyv.

57. Bellingem, Rodrigo va Vini "Santyago Bernabeu"dan jonlanishni so'rashmoqda!

55. Uxxx! Qanday qilib? Vini qanotdan yorib kirdi va to'pni Rodrigoga oshirdi. Rodrigo esa birgina teginishda to'pni darvozaga yo'lladi. Bir necha santimetr etishmadi. Zarba noaniq.

53. ZARBAAAAA! Keyndan xavfli zarba. Lunindan ajoyib seyv!

45. Ikkinchi bo'lim start oldi.

45+1. Tanaffus! Birinchi bo'limda hisob ochilmadi!

45. Birinchi bo'limga bir daqiqa qo'shib berildi.

44. ZARBA! Mazraui uzoq masofadan o'z omadini sinab ko'rdi. Bu zarbani Lunin egallab oldi.

39. Uxxxx! Vinisiusning chap qanotdan bergan uzatmasi zarbaga aylanib ketdi. Noyerdan yana bir yaxshi seyv.

36. Vini qanotdan yorib kirdi va deyarli 3 futbolchini aldashga erishdi, ammo yakuniy pasni berishga kechikdi. Mendi esa bundan hafa bo'ldi.

28. ZARBAAAAAA! Keyn! Harri havodan kelgan to'pni to'xtatmay darvozaga yo'lladi. Lunindan ajoyib seyv. Burchak zarbasi.

27. O'ZGARISH. "Bavariya" majburiy almashtirishga qo'l urdi. Serj Gnabri jarohat sabab maydonni tark etdi. Uning o'rnida Alfonso Devis harakat qiladi.

23. Rodrigo qanotdan ajoyib yurishni amalga oshirdi va to'pni jarima maydoni ichidagi Vinisiusga oshirdi. Viniga raqib imkon qoldirmadi.

16. Noyer Noyer bo'lmay qoladi, agar u darvozasi yaqinida raqib hujumchisini aldab o'tmasa.

15. Vinisius jarima maydoni tashqaridan yana bir zarba berdi. Ancha noaniq.

13. ZARBAAAA! Vinisiusning zarbasi darvoza ustuniga tegib qaytdi. Qaytgan to'pga Rodrigo yana bir zarba berdi. Noyer esa to'pni egallab oldi. "Real" golga juda yaqin keldi.

8. Dastlabki zarba (uzatma aralash) Gnabri hisobiga yozilmoqda, ammo noaniq.

7. "Real" oxirgi daqiqalarda "Bavariya"ga yuqori bosim uyushtirmoqda.

5. Kroos o'tgan o'yinda bergan pasi kabi uzatmani qaytarishga erishdi. Sanening pasi o'tganda bormi...

4. "Real" to'pni ehtiyotkorlik bilan nazorat qilmoqda.

1. "Real" ilk daqiqadanoq burchak to'piga ega bo'ldi. "Bavariya" burchakdan uzatilgan to'pni bartaraf etdi.

1. O'yin start oldi!

- YCHL madhiyasi yangramoqda.

- Jamoalar maydonga tushib kelishmoqda.

Assalomu alaykum, qadrli futbol muxlislari. Bugun "Santyago Bernabeu" yonadi. "Real Madrid" va "Bavariya" klublari Yevropa Chempionlar Ligasi finali uchun hayot-mamot to'qnashuvida ishtirok etishadi.

YCHL. Kambeklar qiroli "Real" "Bavariya"ni taslim qilib, finalga yo'l oldi. Xoselu – qahramon!