Баҳсдан аввал “Нефтчи” футболчиси Бахтиёр Ёқубов ўз фикрлари билан ўртоқлашди.
- Хар бир ўйинда бўлгани сингари Қўқон жамоасига қарши баҳсдан ҳам ғалаба кутяпмиз ва дербида ғолиб бўлишга ҳаракат қиламиз. Асосий мақсадимиз мухлисларни ўз ғалабамиз билан хурсанд қилишдир. “Қўқон-1912” жамоаси “яраланган шердек” 11-турга етиб келмоқда. Уларга ҳам уч очко жуда зарур. Бугун осон ўйин бўлмайди деб ўйлайман.Чунки кетма-кет муваффақиятсизликларга учраган жамоаларга қарши тўп суриш жуда ҳам мураккаб кечади, - деди тажрибали футболчи.
“Қўқон-1912” клуби сафида кўплаб собиқ жамоадошларимиз борлигидан хабарингиз бор. Албатта собиқ “Нефтчи” вакиллари Фарғона жамоасига қарши ўзларини кўрсатишга ҳаракат қилишларини таҳмин қилиш мумкин. Умуман олганда қизиқарли баҳс бўлиши кутилмоқда, - деб фикрларини якунлади “Нефтчи” футболчиси.
Эслатиб ўтамиз, “Нефтчи” – “Қўқон-1912” ўйини бугун Фарғона шаҳридаги “Истиқлол” стадионида бўлиб ўтади. Беллашув соат 19:00да старт олади.
“Нефтчи” матбуот хизмати
