Mazkur bellashuvda namanganliklarga g'alaba keltirgan gollarga “Navbahor”ning qoraqalpog'istonlik hujumchisi Azamat Allaniyazov mualliflik qildi. E'tiborli tomoni, u ikinchi bo'limda zaxiradan maydonga tushdi va raqib darvozasini uch bor ranjitdi.
Umuman Allaniyazov bugungi gollari bilan mamlakat chempionatidagi jami gollari sonini 30 taga etkazdi. U bungacha “Nasaf” tarkibida 23 ta, “Qizilqum”da 2 ta, “Buxoro” da 2 ta gol urishga erishgandi.
