ESPN xabariga ko'ra, sardor Martin Edegor va vinger Bukayo Saka Mikel Arteta jamoasiga yordam berolmaydi.
26 yoshli Edegor dam olish kuni "Arsenal"ning "Nottingem Forest" ustidan qozongan g'alabasi (3:0) vaqtida elkasidan jarohat olib, maydonni tark etishga majbur bo'ldi. 24 yoshli Saka avgust oyi oxirida tizzasidan olgan jarohati tufayli safdan chiqqan edi va oy oxirigacha qaytmaydi.
Eslatib o'tamiz, "Atletik" – "Arsenal" bahsi bugun 21:45 da boshlanadi.
