"O'yinni ko'rdinglar oson bo'lgani yo'q. Shunday qiyin uchrashuvda yigitlar iroda ko'rsatishdi. Bizni qo'llab-quvvatlab turgan muxlislarga, klubimiz rahbarlariga minnatdorchilik bildiramiz", - deydi Anvar Berdiev.
"G'alaba bilan barchani tabriklayman. Raqib yaxshi shakllangan jamoa edi. Jamoaviy o'yin hisobiga g'alaba qozondik. Albatta faoliyatimda shunga o'xshash gollar bo'lgan. Har bir golning qadri o'zgacha", - deydi A'zam Aliev.
- Raqib safidagi Mikola Agapov borasida himoyachilarga ko'rsatma berganmidingiz?
- "Mashal"ning "Andijon"ga qarshi o'yinini stadiondan kuzatdim. Mikola Agapov yaxshi hujumchi ekanligini, vaziyatlardan foydalanib ketishi mumkinligini himoyachilarga aytgandim. O'sha vaziyatni yana ko'rib chiqamiz. Kamchiliklarni to'g'rilashga harakat qilamiz.
- O'yin yakunida muxlislar Kim Boyong bilan xayrlashishdi. U jamoani rasman tark etdi. Transferlar vaqtida uning o'rniga boshqa futbolchi olishni rejalashtiryapsizmi?
- Ikkinchi davrada futbolchilar olamiz. Hozirda tarkibimizdagi qanot hujumchilarining hammasida jarohat bor. Shunga qaramay shogirdlarim iroda ko'rsatishdi. Ulardan mamnunman.
