Бугун мисрлик вингер Чемпионлар лигаси умумий босқичининг 6-тури доирасидаги "Интер"га қарши ўйин учун инглиз жамоаси қайдномасига киритилмагани маълум бўлди. Аввалроқ Салоҳ кетма-кет учта ўйинда асосий таркибга тушмаганидан сўнг клубнинг ўзига бўлган муносабатини танқид қилган эди: "Менга алам қиляпти. Мен АПЛ ғолиби бўлдим, ушбу авлод ичида ҳаммадан кўп гол уряпман. Нима учун ҳаммаси бундай якун топиши керак?".
"Вазият оддий эмас, лекин биз жамоа сифатида уни иложи борича яхшироқ ҳал қилишга ҳаракат қиляпмиз.
Албатта, бизнинг ўзаро шахсий муносабатларимиз бор. Европага келганимдан бери Мо билан бирга ўйнайман – бир йил "Рома"да, мана энди саккиз йилдан бери "Ливерпуль"да.
У ажойиб йигит, Мо "Ливерпуль" афсонаси. Биз биргаликда кўп нарсага эришдик.
Шахсан мени бу қувонтирмайди, аммо футболда бирор вазиятдан узоқ нолиб ўтириш ярамайди.
Эртага бизни жиддий синов кутмоқда. "Интер" бу мавсумда жуда яхши ўйнаяпти, шунинг учун мен ҳам, бутун жамоа ҳам эртага дуч келадиган вазифамизга диққатимизни қаратганмиз", – деди Алиссон ўйиндан олдинги матбуот анжуманида.
