"Dinamo" bilan Qirg'iz Respublikasidagi yig'inda ishtirok etgan Abubakr Mo'ydinov klub a'zosiga aylandi. 23 yoshli yarim himoyachi bilan mavsum yakuniga qadar shartnoma imzolandi.
Mo'ydinov Pro liga 1-davrasini "Andijon-SGS" klubida o'tkazib, 5 ta gol bilan to'purarlar ro'yxatidan joy olgan.
Andijon futbol maktabi tarbiyalanuvchisi sanalmish Abubakir 2000 yilning 7 iyul kuni tug'ilgan. U faoliyati davomida "Andijon-SGS"dan tashqari, Estoniya va Qozog'istonda ham to'p tepgan. Umid qilamizki, Abubakr "Dinamo" jamoasining Superligaga yo'llanma olishida munosib hissa qo'shadi.
