Ўзбекистон U-17 терма жамоаси билан Жаҳон чемпионатида қатнашган Абубакир Шукуруллаев ҳам "шерлар" сафида машғулот олиб бормоқда. У клуб матбуот хизматига йиғин таассуротлари билан ўртоқлашди.
"Мен бунчалик тез асосий таркибда имконият беришади деб ўйламаган эдим. Бунинг учун жамоа раҳбарияти ва мураббийлар штабига раҳмат айтаман. Афсуски иккита ўйинда ғалаба қозона олмадик. Мураббийларимиз биз ёшларни синаб оламан деб ҳар икки таймда кўплаб дўстларимни майдонга туширяптилар. Айрим вазиятларда тажриба етишмаяпти. Лекин шундай ўйнаб турсак, биз ҳам албатта ўзимизни жамоада кўрсатишишимизга ишонаман", - дейди Ўзбекистон ўсмирлар терма жамоаси билан Осиё чемпиони бўлган ярим ҳимоячи.
- Катталар билан ўйнаш қандай экан?
- Ҳожакбар ака Алижонов қанотида ўйнаган футболчи тўғри олдинга очилса бўлди экан. Ўзлари оёққа "жойлаб" қўярканлар тўпни. Шерзод ака Насруллаев ҳам шунақа. Умуман олганда мен ва дўстларимни ҳамма ёши катта ўйинчилар укаларидек қараяптилар. Энди Суперлигада дебют қилиш учун меҳнат қилишимиз керак.
