Тони Кроос тарихдаги энг улуғ мураббийни айтди

Германиялик хавбек иккиланмасдан бу унвонни италиялик мутахассис Карло Анчелоттига берди. Крооснинг сўзларига кўра, Анчелотти нафақат тактик фикрлаши, балки катта жамоалар ва юлдуз футболчилар билан ишлашдаги ўзига хос маҳорати билан ҳам ажралиб туради.

"Агар барча замонларнинг энг улуғ мураббийи ҳақида гапирадиган бўлсак, мен учун бу — Карло Анчелотти. У жамоани бошқаришда — ҳам майдонда, ҳам ундан ташқарида бошқалардан устун эди", – деди Кроос.

Тони Кроос Анчелотти қўл остида "Реал" сафида икки марта ўйнаган: 2014–2015 йилларда, шунингдек, италиялик мураббий клубга қайтганидан кейин 2021–2024 йиллар орасида. Шу даврда "қироллик клуби" уч марта Чемпионлар Лигасини қўлга киритди, Кроос эса жамоа тарихидаги энг муваффақиятли даврлардан бирида муҳим ўйинчига айланди.