"Реал" ва Винисиус шартнома бўйича музокараларда олдинга силжиди
22 jan 13:53
News

"Реал" ва Винисиус шартнома бўйича музокараларда олдинга силжиди

Tags : Реал Мадрид Ла Лига Винисиус Жуниор

"Реал" Винисиус Жуниорни жамоада сақлаб қолишни истайди, футболчининг ўзи ҳам Мадрид клубида фаолиятини давом эттиришга рози.

"Diario AS" маълумотларига кўра, Винисиус ва "Реал" янги шартнома бўйича музокараларда муайян натижага эришди. Икки томон ҳам оптимистик кайфиятда ва жараён ижобий йўналишда кетмоқда.

Қайд этиш жоизки, "қаймоқранглилар" Чемпионлар Лигасининг 7-турида "Монако"ни 6:1 ҳисобида тор-мор этди, ўша ўйинда 25 ёшли Винисиус ҳам гол муаллифи бўлди. Шу тариқа, у Чемпионлар Лигасидаги голлари сони бўйича Кака билан тенглашди — ҳар иккисида ҳам 30 тадан гол бор. Бразилиялик футболчилар орасида эса етакчилик "Барселона" ва ПСЖ собиқ вингери Неймарга тегишли — у 43 та гол билан пешқадам.

Винисиус жамоадошлари билан бир-бирини қўллаб-қувватлаши ва кийиниш хонасида ҳақиқий жипслик ҳис этилаётганини маълум қилган эди.

Link :

Source : Diario AS

Receive latest football news directly on your phone. Subscribe for our Telegram channel!

Rating: +3