"Реал" қайси ҳолатда Модрични "Интер"га қўйиб юбориши мумкинлиги маълум бўлди
15 aug 2018 19:13
News

"Реал" қайси ҳолатда Модрични "Интер"га қўйиб юбориши мумкинлиги маълум бўлди

"Реал" клуби ярим ҳимоячи Лука Модрични "Интер"га қўйиб юбориши мумкин.

Миланликлар бир неча ҳафтадан буён хорватга қизиқиш билдириб келишмоқда.

"Sky Italia"нинг хабар беришича, мадридликлар фақатгина Лукага ўринбосар топишсагина уни Италияга қўйиб юборишади. Манбанинг маълумотига кўра, бу жойга энг муносиб номзод "Тоттенхэм" ярим ҳимоячиси Кристиан Эриксен.

Лекин, "Тоттенхэм" 26 ёшли данияликни сотишни хоҳламаяпти. Шу сабаб футболчи учун 200 миллион евродан кам сўрамаяпти. Чунки, "шпорлар" Эриксенга ўринбосар топа олишмайди. Сабаби, Англияда трансфер ойнаси ёпилган.