"Реал" президенти: "Карло Анчелотти энди буюк Мадрид оиласининг абадий аъзосига айланди"
23 may 2025 18:21
News

"Реал" президенти: "Карло Анчелотти энди буюк Мадрид оиласининг абадий аъзосига айланди"

"Реал" президенти Флорентино Перес Карло Анчелоттининг жамоа бош мураббийлигидан кетишига изоҳ берди.

Аввалроқ Мадриднинг "Реал" клуби мавсум якунида Анчелоттининг кетишини эълон қилганди. 24 май куни жамоа Испания Ла лигасининг 38-тури доирасида ўз майдонида "Реал Сосьедад"ни қабул қилади. Бу ўйин Анчелотти учун "қаймоқранглилар" бош мураббийи сифатидаги охиргиси бўлади.

"Карло Анчелотти энди буюк Мадрид оиласининг абадий аъзосига айланди. Биз клубимиз қадриятларини намунали тарзда ифодалаган ва шунча ютуқларга эришишимизга кўмаклашган мураббий билан ҳамкорлик қилиш имкониятига эга бўлганимиздан фахрланамиз", – деди Перес клуб матбуот хизматига.

Май ойида Бразилия футбол конфедерацияси 65 ёшли италиялик мутахассис терма жамоасига янги бош мураббий этиб тайинлангани ҳақида хабар берган эди.

Link :

Source : realmadrid.com

Receive latest football news directly on your phone. Subscribe for our Telegram channel!

Rating: +6