Неймар "Интер Майами"га ўтадими? Бош мураббий жавоб берди

"Месси ва бу ердаги бошқа йигитлар билан барча ишларни бажарса бўлади. Лекин улар билан ишларда молиявий томонлама хатоликларга йўл қўйилигини тасаввур қила олмаяпман. Бу нарсарни ёритаётган матбуот нега бу томонларини ҳисобга олмаяпти?

Ҳақиқат шундайки, МЛСда шундай қатъий қоидалар борки, буни бузиб ҳам ўзгартириб ҳам бўлмайди. Нима бу ердан уй сотиб оладиган барча футболчилар бу ерга келиб ўйнашлари керакми? Футболчининг ўтиши борасидаги гапларни осонликча айтмаслик керак. Флоридада уй сотиб олаётган футболчи ёки ўша футболчининг дугонаси исмини айтавермаслик керак. Бу конкрет гаплар эмас.

Аввалига барчасини тахлил қилиб олиб, лига бундай ҳолатларга имкон беришини чамалаш керак. Шундан келиб чиқиб, Неймарнинг бугунги кунларда бу ерда футбол ўйнашини иложсиз ҳолат деб ҳисобласа бўлади", - деди Мартино.