Нажмиддин Нормуродов: "Гуруҳдан биринчи ўрин билан чиқишни мақсад қилганмиз, "Бунёдкор"нинг вазифаси ўзгармайди"

Футболчи кеча сўнгги дақиқаларда Луис Качоррининг ғалаба голига ассистентлик қилди. 

- "Бунёдкор"да сўнгги 2та ўйинда Итсуки Уратанинг қанотида тўп тепмоқдасиз. Қайсидир маънода аввалгига нисбатан вазифангиз ўзгарди. Бу ноқулайлик туғдирмаяптими?

- Мураббий қаерга қўйса ўша жойга мослашишга тайёрман. Позициям ўзгаргани билан жамоага ёрдамим тегса хурсандман. Бу борада муаммо йўқ. 

- Четлатиш ўйин темпига қанчалик таъсир қилди? 

- Ўйиннинг бироз зерикали кўриниш олишига қизил карточка ҳам сабаб бўлди. Ўйин назорати бизда бўлиши керак эди. Лекин аксинча кузатилди. Биз натижа учун ўйнадик. Рақибга ҳурмат сақлаган ҳолда айтаманки, ҳисоб ҳақли бўлди. 

- Ўтган ўйинга қараганда қандай тафовут сезилди? Кўрсатмалар, ўйинга тайёргарликдачи?

- Бизнинг вазифамиз ўзгаргани йўқ. Муҳимлилик жиҳатдан иккита ўйин ҳам бир хил кечди. Қисқа қилиб айтганда икки жамоа ўйинга яхши тайёргарлик кўрганлиги билинди. Биз биринчи ўрин билан гуруҳдан чиқишни мақсад қилганмиз. 

- Илёс Зейтуллаев келгач олдинга кўпроқ ўтяпсиз. Ҳужумкор ҳимоячига айландингиз...

- "Бунёдкор"га Про лигадан келгандим. Барибир даража билинади. Жамоага мослашишга қийналдим. Илёс Бекирович келгач ишонч билдирмоқда. Энг муҳими шу.