Илёс Зейтуллаев "Бунёдкор"даги молиявий муаммолар, "Ювентус"да нега порламагани ҳақида гапирди

Зейтуллаев: "Ўйин тенг бўлганига қарамасдан йигитларим ғалабага муносиб эди. Сўнгги янгиликлардан сўнг футболчиларни руҳлантириш қийин, аммо шунга қарамасдан улар майдонда борини ташлаб чиқиб кетишмоқда. Йигитлар 4 ойдан бери маош олишмаяпти, улар оиламизни боқишимиз керак деб мурожаат қилишади. "Бунёдкор"нинг ҳолатига эътибор қаратишади деб ўйлайман. Жамоа "тирик", улар ишонишмоқда, аммо ўйиндан-ўйинга вазият қийинлашиб боряпти".

- "Бунёдкор"даги молиявий қийинчиликлар Илёс Зейтуллаевнинг кейинги мураббийлик фаолиятига қандай таъсир қилади?

- Бу ерга келганимдан сўнг кучли жамоага айландик. Ички муҳит яхши. Қийинчиликларга қарамасдан олдинга қадам ташлашда давом этишимиз керак. Аммо ҳамманинг оиласи бор, хорижлик мутахассислар олдида нима дейишни билмаяпман. Умид қиламанки, яқин вақт ичида ҳаммаси изига тушиб кетади.

- "Бунёдкор" ҳужумида боғлиқлик аввалги баҳсларга нисбатан пасайган...

- Ҳар бир янги мавсум бу янги ҳикоя. Бизда кўп нарсалар ўзгарди. Баъзи кучли жамоалар билан рақобатлаша олмаймиз. Бугунги каби ёшларга имкон берамиз. Ўтган мавсумда таркиб бошқа эди, аммо жорий мавсумда ўзимизга боғлиқ бўлмаган сабаблар билан Суперлигада жон сақлаб қолишга уринадиган жамоа туздик. Ҳаммаси олдинда, ишлашда давом этамиз. Бу мавсум бироз бошқача бўлади, вазиятга мослашишимиз керак.

- Футболчи сифатида "Ювентус" шарафини ҳимоя қилгансиз. Зидан ва бошқа юлдузлар билан машғулот ўтказган Зейтуллаев нега порлаб чиқмаган?

- Сабаблар кўп. Биринчи навбатда "Ювентус"да бўлиб қолганим учун яратганга раҳмат айтаман. Ўша пайтда "Ювентус" шарафини Зидан, Дель Пьеро, Трезеге, Инзаги... Даража жуда юқори эди. Ёшлигим сабаб баъзи қўпол хатоларга йўл қўйганман. Нотўғри маслаҳатларга қулоқ солганман.

- Жамоа кетма-кет муваффақиятсиз натижалар қайд этаверса мураббий билан ҳамкорлик тўхтатилади. Охирги натижалардан сўнг жамоа раҳбарияти сизга қанчалик ишонмоқда?

- Тўғриси, бу ҳақида ўйлаганим ҳам йўқ. Агар бугун ишсиз қолсам, "Бунёдкор"га мухлислик қилавераман. Жамоага келганимда охирги ўринда эдик ва мавсумни 5-ўринда якунладик. Бу оила билан ишлаётганимдан фахрланаман. Мураббийлик фаолиятимни ривожлантиришга ҳаракат қилавераман.