"Мартин Эдегор "Реал"га ўтганида атиги 16 ёшда бўлса-да, ғоят истеъдодли футболчи эди" — Анчелотти
08 apr 17:59
News

"Мартин Эдегор "Реал"га ўтганида атиги 16 ёшда бўлса-да, ғоят истеъдодли футболчи эди" — Анчелотти

Мадриднинг "Реал" жамоаси бош мураббийи Карло Анчелотти норвегиялик ярим ҳимоячи Мартин Эдегор нима учун "қироллик клуби"да муваффақиятга эриша олмаганини тушунтирди.

"Мартин Эдегор "Реал"га ўтганида атиги 16 ёшда бўлса-да, ғоят истеъдодли футболчи эди. Ҳозир ҳам худди шундай. Жамоада ўз маҳоратини намойиш этиш учун жой топилмагани боис, ўзини кўрсатиш имкониятига эга бўлиш мақсадида бошқа клубга ўтишга қарор қилган. У Европанинг энг нуфузли клубларидан бирига ўтиб, ҳозирда энг юқори даражада ўйнамоқда", – деди италиялик мураббий матбуот анжуманида.

Эслатиб ўтамиз, скандинавиялик ярим ҳимоячи 2021 йилда "Реал"ни "Арсенал"га алмаштирган эди.

Мадрид ва Лондон клублари УЕФА Чемпионлар Лигаси чорак финалида бир-бирига рақиб ҳисобланади. Биринчи учрашув бугун 8 апрель куни Англия пойтахтида бўлиб ўтади. Беллашув Тошкент вақти билан 00:00 да бошланади.

Link :

Source : London Evening Standard

Receive latest football news directly on your phone. Subscribe for our Telegram channel!

Rating: +4