Кейлор Навас: "Барселона" менга қизиққани борасидаги хабар ёқиб тушди"

Сентябрь ойида асосий дарвозабон Марк-Андре тер Штеген жароҳат олгандан сўнг, каталонияликлар "қўлқопини михга илган" Войцех Шесни билан шартнома имзолаган эди. Маълумотларга кўра, “Барса” Кейлор Навас номзодини ҳам кўриб чиққан.

"Мени "Барса" билан боғлашгани ҳақида миш-мишлар кўп гапирилди. Лекин бундай ишлар осон якунланмайди… Улар агентим билан боғланишган ҳам. Бу футбол, биз ўз ишимизни қилишимиз керак.

Бу хабарлар менга ёқди: гарчи узоқ мавсумлар давомида "Реал"да ўйнаб, кўп йиллар рақиб бўлган клуб мени номзод сифатида кўрди. Бу хабарларни мақтов сифатида қабул қилдим.

Агар менга "Барселона" эмас, Флорентино Перес қўнғироқ қилганида сузиб бўлса ҳам унинг олдига борардим", – деди "Реал"нинг собиқ дарвозабони, ҳозирда "Ньюэллс Олд Бойз" сафида ўйнаётган Кейлор Навас "El Larguero" нашрига берган интервьюсида.