Иньиго "Ал Насср"га ўтиши ҳақида: "Бундай таклифни кўрганда ишона олмадим"

Ҳимоячи Каталония клуби билан шартномасини бекор қилди ва "Ал Насср"га ўтди.

"Шартномам тугашига бир йил қолганди, мен 34 ёшдаман ва бундай имкониятлар пайдо бўлганда рад этиш қийин. Эҳтимол, агар шартномам бўйича кўпроқ вақт қолганида, кўпроқ ўйлаб кўрган бўлардим. Бундан ташқари, "Барселона"да катта маош олардим, оилам ҳам бундан мамнун эди.

Қарор қабул қилиш осон бўлмади, чунки хотиним ва қизларимни ҳам ўзим билан олиб кетаяпман, лекин аниқ айтишим мумкинки, шартнома муддати узоқроқ бўлганда, узоқроқ ўйлаган бўлардим.

Бундай таклифни кўрганда, ҳатто ишона олмадим. Ҳеч ким бундай шартномаларни кутмайди - ҳеч бўлмаганда мен. Бутун фаолиятим давомида футболда "оддий аскар" эдим, ҳаракат ва тер тўкиш эвазига юқорига кўтарилдим. Аммо бундай шартномани олганингда, у сени, ундан ҳам кўпроқ оилангни ҳайратда қолдиради.

Молиявий жиҳатдан бу лигани бошқалари билан таққослаб бўлмайди. Фаолиятимни ва "Барселона"га берганимни ҳисобга олиб, бу қадамни қўйишга қарор қилдим. Футболчининг фаолияти қисқа ва бундай имконият келганда йўқ дейиш қийин," - деди Иньиго.