Федерико Вальверде: "Реал" либоси сизни янада улуғ ва кучлироқ қилади"
07 apr 11:43
News
Федерико Вальверде: "Реал" либоси сизни янада улуғ ва кучлироқ қилади"
"Сиз бу клубни ҳимоя қилаётганингиздан, бу футболкани кийганингиздан хурсанд бўлишингиз ва фахрланишингиз керак. "Реал" либоси сизни янада улуғ ва кучлироқ қилади. Майдонга чиққанингизда, трибунада одамларни кўрганингизда, Чемпионлар Лигаси ва "Реал" мадҳияларини эшитганингизда, оёқларингиздаги бу оғриқлар унутилади. Майдонга ғалаба қозониш истаги билан чиқасиз", – деди Вальверде.
Вальверде, шунингдек, ЕЧЛда "Реал" билан қўлга киритилган икки ғолибликни эслади. У биринчи чемпионлик кўплаб камбэклар туфайли алоҳида аҳамиятга эга бўлганини таъкидлади.
"Тўғрисини айтсам, биринчи ғалаба доимо ўзгача бўлади, у сизнинг хотирангизда абадий қолади. Лекин ҳар қандай ҳолатда ҳам биз доимо ғалабаларга чанқоқмиз, ҳар доим ғалаба қозонишни ва титулларни қўлга киритишни хоҳлаймиз", – дея қайд этди футболчи.
Бундан ташқари, уругвайлик хавбек илгари Тони Кроос кийган 8-рақамни танлаш қарори ҳақида ҳам гапирди.
"Аввалига рафиқам билан бу ҳақда гаплашдим, Тонига ҳурмат юзасидан бу рақамни олишни истамадим, чунки у клубда катта из қолдирди. Агар менга боғлиқ бўлганида, NBA'даги каби уни осиб қўйган бўлардим", – деди Федерико.
"Арсенал"га қарши ЕЧЛ чорак финалининг илк учрашуви 8 апрель куни, жавоб ўйини эса 16 апрель куни ташкил қилинади. Агар "Реал" ярим финалга чиқса, "Астон Вилла" – ПСЖ ўйини ғолиби билан тўқнаш келади.
Similar news
championat.asia
Роналду ММА-промоушен акциядорига айланди
Морган Роналдунинг шартли дисквалификацияси ҳақида: "Тўғри қарор. Криштиануни атайлаб кийимидан тортишган"
Манба: Самвел Бабаян - "Андижон" бош мураббийи!
Суперлига. Голи инобатга олинмаган ва бир киши кам қолган "Пахтакор" "Навбаҳор" майдонида очко йўқотганига қарамай, мавсумни иккинчи ўринда якунлади
Comments