“Челси” ва “Реал” Куртуа ҳамда Ковачич трансфери бўйича келишувга эришди

26 ёшли посбоннинг “Реал” билан шартномаси 6 йилга тузилади. Ушбу трансфердан лондонликлар 40 миллион евро ишлаб олишади.

Қолаверса, “Челси” Мадриддан бир мавсумга Матео Ковачични ижарага олди.

Эслатиб ўтамиз, Куртуани лондонликлар 2011 йилда “Генк”дан сотиб олишганди. Аммо посбон уч мавсум “Атлетико”да ижара асосида тўп тепди ва фақатгина 2014/15 йилги мавусмдан бошлаб “Челси” шарафини ҳимоя қила бошлаганди.

Куртуа “Челси” сафида 4 та совринни қўлга киритди. Булар икки бор Англия чемпионлиги, Англия кубоги ва Лига кубоги совринларидир.

“Реал” эса 2015 йилда “Интер”дан Ковачични сотиб олган бўлсада, хорватиялик футболчи жамоа асосий таркибидан муқим ўрин эгаллай олмади. Шунга қарамай у “Реал”да 9 та совринни қўлга киритди.