"Барселона" Вальверде билан шартномани бекор қилиши мумкин

Бу ҳақда каталонияликлар президенти Хосеп Бартомеу маълум қилди.

- Биз доимо барча мусобақаларда ғалаба қозонишга уринамиз. Бунда сиз ютасиз ёки акси бўлса ишингиз яхши эмаслигидан далолатдир. Вальверденинг шартномаси 2021 йилга қадар мўлжалланган. Аммо, шартномада 2020 йилда битимни бекор қилиш ва ҳамкорлик алоқаларини узиш ҳақида банд бор, - дейди Бартомеу.

Эслатиб ўтамиз, Вальверде 2013-2017 йилларда "Атлетик"да ишлаганидан сўнг "Барселона" бош мураббийи этиб тайинланган эди.