"Барселона" ҳимоя етакчиларидан бири билан шартномани узайтирмоқчи

Бу ҳақда Sport.es хабар берди. 

Манба маълумотларига кўра, кўк-анорранглилар 34 ёшли футболчининг меҳнат шартномасини 2027 йилгача чўзмоқчи. Клубдагилар Мартинеснинг етакчилик қобилиятларини, шунингдек, жорий мавсум давомида ҳимояда ўйнашда Пау Кубарси билан ҳамкорлигини сезиларли даражада яхшилаганини таъкидламоқда. Жамоа бош мураббийи Ҳанс-Дитер Флик ҳам Мартинеснинг шартномаси узайтирилишини хоҳламоқда.

Мартинес жорий мавсумда барча мусобақаларда 46 та ўйинда иштирок этиб, 3 та гол урди ва 6 та гол узатмаси берди.