"Андижон"да ўзгаришлар — Осиё чемпиони кетди, ярим ҳимоячи ижарага берилди

Клуб матбуот хизматининг хабар беришича, жамоа таркибида бир қатор кутилмаган трансфер қарорлари қабул қилинган.

Осиё чемпиони билан шартнома бекор қилинди

Ўзбекистон U-17 терма жамоаси сафида қитъа биринчилигида зафар қучган ҳужумчи Асилбек Алиев "бургутлар" сафида ҳаракат қилмайдиган бўлди. Бунга унинг ўрнига жамоадоши Сайфиддин Содиқовнинг жалб қилингани сабаб бўлган. Натижада, Алиев ва клуб ўртасидаги шартнома ўзаро келишувга кўра бекор қилинди.

Аббос Абдуғаффоров легионерга айланди

Шунингдек, "Андижон"нинг 21 ёшли ярим ҳимоячиси Аббос Абдуғаффоров фаолиятини қўшни республикада давом эттирадиган бўлди. Ёш футболчи ўйин амалиётига эга бўлиш мақсадида Қирғизистон чемпионати иштирокчиси бўлмиш "Алай" жамоасига ижарага берилди.