Александр Ежов: "Нефтчи" билан 0:3 ҳисобидаги мағлубиятдан сўнг ғалаба қозонмасак бўлмасди"
13 sep 2021 14:06
News

Александр Ежов: "Нефтчи" билан 0:3 ҳисобидаги мағлубиятдан сўнг ғалаба қозонмасак бўлмасди"

Про лиганинг навбатдаги туридан ўрин олган "Хоразм" - "Янгиер" (5:2) учрашувидан сўнг мезбонлар бош мураббиийи Александр Ежов фикрларини билдириб ўтди.

"Аввало йигитларга ажойиб ўйин ва ғалаба учун миннатдорчилик билдираман. Учрашувга яхши тайёргарлик кўргандик. Ўйлайманки, баҳс қизиқарли ўтди. Мухлисларимиз ҳам хурсанд бўлишди. Футболчиларим майдонга чиқишди ва ўз ишларини муносиб тарзда бажаришди.

Қанотлардан ҳужумга ўтиш ва вазиятлар яратиш борасида машғулотларда ишлаяпмиз. Ҳамма нарса бирданига ўхшаб қолмайди. Билсангиз анча вақтдан бери ғалаба қозона олмаётгандик. Боз устига ўз майдонимизда ўйнаяпмиз. "Нефтчи" билан ўйиндаги 0:3 ҳисобидаги мағлубиятдан сўнг мухлисларни шод қилиш учун ютмасак бўлмас эди. Кўпроқ ҳужум қилиш ва прессинг уюштиришни режа қилгандик. Аммо барибир диққат-эътибор етишмаслиги натижасида гол ўтказиб юбордик",- дейди Александр Ежов.

Link :

Source : championat.asia

Receive latest football news directly on your phone. Subscribe for our Telegram channel!

Rating: