Роберт Левандовский 2025/26 йилги мавсумдан сўнг "Барселона"ни тарк этиши мумкин

37 ёшли поляк футболчисининг шартномаси 2026 йил 30 июнга қадар амал қилади. Манбага кўра, тарафлар шартномани узайтириш ниятида эмас. Клубнинг спорт директори Деку эса Робертни кейинги мавсумда жамоанинг асосий марказий ҳужумчиси сифатида кўрмаяпти.

Шунингдек, "Барселона" Левандовский ўрнига номзодлар рўйхатини ҳам тайёрлаб бўлгани айтилади. Унда Александер Исак ("Ливерпул"), Хулиан Альварес ("Атлетико") ва Эрлинг Холанд ("Манчестер Сити") каби ҳужумчилар бор. Бироқ иқтисодий қийинчиликлар сабаб каталонияликлар ҳозирча уларни қўлга кирита олмайди.