Зинедин Зидан: "Барселона" чемпионликка ҳақли тарзда эришди"

- Роналду? Криштиану оёғидан зарба қабул қилиб олгани туфайли уни алмаштиришга қарор қилдим. Роналду билан Бэйл учрашув давомида қанотларини алмаштириб ўйнашди. Биз Бэйлни кўпроқ ўнг қанотда ўйнатамиз. Чунки Гарет айнан шу қанотда ўзини эркин қушдек ҳис қилади. Мен жамоамдан кўрсатган ўйиндан, курашувчанлигидан ва қилган ишларимиздан фахрланаман. Биз ҳар доим охиригача курашамиз. Энди бироз дам олиб, ҳордиқ чиқаришимиз керак. "Барселона" чемпионликни муносиб тарзда қўлга киритди. Улар мавсум якунларига кўра, чемпионликка ҳақли тарзда эришишди.
Европа чемпионлар лигаси финалида ўйнаш бу бизнинг омадимиз. Дам олгандан сўнг финалга жиддий тайёргарлик кўрамиз. Чемпионатда ўз мақсадимизга эриша олмаганимиздан бироз ранжидик. Аммо энди барча ҳаёл ва ўйлар финал ҳақида. Миланда ўтадиган баҳс ҳақида ҳозирданоқ бош қотиришни бошладик. Финалда доимо имкониятлар тенг бўлган.Бу нарса ўзгармайди. Биз шунчаки яқин икки кун футбол ҳақида ўйламаймиз. Кейинчалик финалга тайёргарликни бошлаймиз.