Зидан "The Best" маросимида Мбаппега "Реал"га ўтишни маслаҳат берди
25 сен 2018 12:09
Янгиликлар

Зидан "The Best" маросимида Мбаппега "Реал"га ўтишни маслаҳат берди

"Реал" жамоасининг собиқ бош мураббийи Зинедин Зидан ПСЖ форварди Килиан Мбаппе фаолиятини Мадридда давом эттириши керак деб ҳисоблайди.

Француз мутахассиси бу фикрини футболчига Лондонда бўлиб ўтган "The Best FIFA Football Awards 2018" маросими пайтида айтган. Бу ҳақда испаниялик машхур журналист Эдуардо Инда маълум қилган.

"Лондонда ФИФА тақдирлаш маросими олдидан Зидан Мбаппе билан учрашди. Француз футболчига қуйидаги гапларни айтди: "Килиан, сен "Реал" учун ўйнашинг керак". Бу суҳбатни кўрган гувоҳлар ҳам бор", - деди Инда "El Chiringuito" эфирида.