– Учрашувни жуда яхши бошладик, аммо бу стадионда биз уддалагандек охиргача курашиш керак. Жиддий айтганда, бу жуда муҳим натижа, қониқиш ҳосил қилдим. Курашишдан ва футбол ўйнашдан тўхтамадик.
– Нима учун дарвозада Ареола ўйнади?
– Бу менинг қарорим. У жамоанинг бир қисми, машғулотларда яхши шуғулланмоқда. У Куртуадек бизни бир неча маротаба қутқариб қолди. Шунчаки унинг навбати келганди.
– Об-ҳаво ва майдон ҳолати ҳақида...
– Олдиндан маълум бўлганидек, "Эйбар" стадионига ўхшаган кичик майдон. Ёмғир ёғган пайтда, сув кўп бўлади ва тўп тепиш қийинлашади. Аммо, майдон ўйин учун маъқул бўлса, у ҳолда чиқиш ва ўйнаш керак.
– Таркибдаги ўзгаришлардан кўнглингиз тўлдими?
– Ҳа. Мавсум узун ва биз фақат Ла Лигада ўйнамаймиз. Мен ҳар бир футболчи жамоанинг натижаларига ҳисса қўшиши учун имкон беришим керак, – дейди Зидан.
