"Ювентус" Погбанинг ўрнини боса оладиган футболчини топиб қўйди

"Арсенал" ярим ҳимоячиси Томас Парти "Ювентус" қизиқишлари доирасида, дея хабар берди "La Reppublica". 

"Бьянконери" футболчини Поль Погбанинг ўрнини босувчи футболчи сифатида кўрмоқда.

Франциялик футболчи допинг тести ижобий чиққани учун вақтинча футболдан четлаштирилди. Агар такрорий таҳлил ҳам ижобий чиқса, футболчи узоқ муддатга дисквалификация қилиниши, туринликлар эса унинг шартномасини бекор қилиши мумкин.

"Ювентус" бу ҳолатда Партини сотиб олишга уринади. "Канонирлар" футболчини сотмоқчи эмас, аммо фойдали таклиф тушса, фикрини ўзгартириши мумкин.