Ямал "Атлетик"га қарши ўйиндан олдинги расмий машғулотни ўтказиб юборди

Ламин Ямал Жиддадаги Қирол Абдуллоҳ номидаги стадионда ўтказилган "Барселона"нинг "Атлетик" билан ўйиндан олдинги расмий машғулотида иштирок этмади.

Кўк-анорранглилар қанот ҳужумчиси шанба кунги "Эспаньол"га қарши ўйиндан (2:0) икки кун олдин ҳам машғулотни ўтказиб юборганди. Ўшанда Ламин ўйинда қатнашиш имкониятига эга бўлган эди.

Клуб футболчининг машғулотда қатнашмагани сабабларини маълум қилмади. Таъкидланишича, Ямал спорт залида индивидуал машқларни бажарган ва унинг ўйинда иштирок этиши билан боғлиқ муаммолар бўлмаслиги керак.

"Барселона" ва "Атлетик" жамоалари эртага Испания Суперкубоги ярим финалида беллашадилар.