Хуммельс Раньерини мақтади

"Клаудио ўзи билан доимий обрўсини олиб келди, у хотиржам ва яхши инсон, лекин керак бўлганда қаттиққўл. У ўз ўйинчиларидан нимани хоҳлашини ва таркиб бўйича қарорларини яхши билади.

У мен билан ҳам ўзини шундай тутарди, лекин менда ҳеч қачон бу борада муаммо бўлмаган. Мен уни ҳар доим ҳурмат қиламан, чунки у жамоа ғалаба қозониши учун ҳамма нарсани қилаётганини биламан. У жамоадан кўп нарса кутади, аммо унинг жуда яхши ишлайдиган профессионал штаби ҳам бор. Мураббий ва футболчилар ўртасидаги комбинация жуда яхши ишлайди, деб ўйлайман", - деди "Рома" ҳимоячиси.

Айни вақтда римликлар А Серияда кетма-кет 17та ўйинда мағлубиятга учрамай, 7-ўринда бормоқда. Бугун улар турнир жадвалида пешқадамлик қилаётган "Интер" меҳмони бўлишади.

Эслатиб ўтамиз, Хуммельс мавсум якунида фаолиятини якунлашини маълум қилганди. Шунингдек, Раньерининг ҳам ёзда клубдан кетиши аниқ.