Хочсимон боғлами узилиши туфайли Брих учун мавсум якунланди. Рекордга бир қадам қолганди

Рефери шанба куни Германия чемпионати 12-тури доирасидаги "Айнтрахт" - "Штутгарт" баҳсида жароҳат олганди. Шунга қарамай, у танаффусгача ишини ўзи давом эттирди, аммо кейин шифокорлар маслаҳати билан майдонни тарк этди, унинг ўрнини захира ҳаками Патрик Швенгерс эгаллади. Эътиборлиси, ушбу учрашув ҳакам учун Бундеслига доирасидаги 344-ўйин бўлди. Шундай қилиб, Брих ҳамкасби Вольфганг Штаркнинг рекордини такрорлаган ва уни янгилаши учун яна битта учрашув етарли эди. Бироқ ҳозирча бу воқеа амалга ошмайдиган бўлди. 

Маълумотларга кўра, Брих учун мавсум якунланган ва у Европа чемпионатини ҳам ўтказиб юборади.