Хитой чемпионати баҳсларига қанча одам ташриф буюради?

Қишдаги ҳолатни кузатиб Хитой чемпионати дунёда энг тез ўсаётган биринчилик деб ўйлаб қоласиз. Янги трансферлар аввалгиданда йирикроқ, ҳар бир янги хабар ёки миш-миш катта баҳсларга сабаб бўлмоқда. Ушбу ўйинларни кўриш учун стадионга ташриф буюриш чемпионатга бўлган қизиқиш каби ўсадими?

Хитой чемпионати "баҳор-куз" тизимида ўтказилади. Октябрь ойида якунланган ўтган мавсумда мухлисларнинг стадионга ташрифини рақамларда кўрамиз.

Энг кўп мухлис йиға оладиган жамоа кетма-кет 6 маротаба Хитой чемпионатида ғолиб бўлган - "Гуанчжоу Эвергранд". Энди Хитой жамоаси натижаларини Европа клублариники билан солиштирамиз.

ПСЖ - 46160

"Интер" - 45538

"Глазго Рейнжерс" - 45325

"Селтик" - 44850

"Гуанчжоу Эвергранд" - 44764

"Ливерпуль" - 43910

"Сандерленд" - 43071

"Марсель" - 42015

"Тяньхэ" жамоаси стадиони сиғими 60 151 эканлигини ҳисобга олсак, тез орада клубнинг кўрсаткичлари Европадаги топ-10лик билан бир хил бўлишини тахмин қилиш мумкин. Ўтган мавсумда "Штутгарт" кучли ўнликда ўртача 51 983 натижа билан энг сўнгги ўринда эди.

Хитойда иккинчи ўрин "Цзянсу Сунин"га тегишли. Бу "Лион", "Спортинг", "Наполи" ва "Ювентус" даражаси. Учинчи ўринни "Бэйцзин Гоань" эгаллаб турибди. Унинг кўрсаткичларини "Валенсия" ва "Тоттенхэм"ники билан солиштириш мумкин.

Умуман олганда лиганинг ўртача кўрсаткичи жаҳон даражасига чиқди. Агар бу рақамларга яна бир неча юз мухлис қўшилганида, Хитой чемпионати энг кўп мухлис йиғадиган кучли 10 лиганинг бирига айланар эди.

Стадионга ташриф буюраётган ишқибозлар сони кетма-кет тўртинчи мавсум тўхтовсиз ошаётганини ҳисобга олсак, футбол клубларининг сарф-харажатлари ўзини оқламоқда. Хитой аҳолиси дунёнинг энг машҳур спорт турига жиддийроқ қиза бошламоқда. Хитой клублари ҳозирданоқ мухлислар борасида Европанинг кучли клубларига рақобатчилик қилаётган бўлса, келажакда бизни нималар кутиб турибди?