Хави навбатдаги шармандаликдан сўнг нималар деди?

Учрашув якунидан сўнг Каталония клубининг бош мураббийи Хави ўйин ҳақида ўз фикрларини билдириб ўтди.

“Биз жуда қўпол хатоларга йўл қўйдик. Ҳисобни 2:0 кўринишига келтиришимиз ҳам мумкин эди, бироқ бугун “Гранада” яхши ҳаракат қилди. Бугун бизга ҳужумда тезлик етишмади. Биз ҳаракат қилдик, аммо ҳимояланишда рақибимизга кўп совғалар бердик.

Чемпион бўлиш энди жуда қийин. Бугунги ҳолатдан сўнг биз қўшимча яна икки очко ортда қола бошладик. Бироқ биз оқ байроқ ташлаш ниятида эмасмиз. Етакчилар билан фарқ катта, аммо имконсиз ишнинг ўзи йўқ. Бугун ғалаба учун яхши имкониятга эга эдик, лекин бугун бизнинг кун эмас экан”, — деди Хави.