Учрашувда мезбонларга ғалаба келтирган ягона голга Владимир Бубанья муаллифлик қилди. Учрашувдан сўнг унинг фикрлари билан қизиқдик.
- Водий дербисининг ҳар икки жамоа учун муҳимлилик даражаси юқори турганди. Қимматли уч очкога эса "Андижон" эга чиқди. Учрашувнинг аҳамияти яна нималарда эди? Умуман ўйин сурати натижага мос бўлдими?
- Муҳим ўйинда зарур уч очко олганимиздан хурсандман. Биз бу ишни қўлимиздан келишини исботладик. Чунки уйда мухлисларимиз қаршисида хато қилишга ҳаққимиз йўқ. Ўйинни назорат қилдик. Рақиб ҳам етарлича қаршилик кўрсатди.
- "Турон" сафида Про лига тўпурари бўлиб турган Ҳумоюн Муртозаев бор эди. У ҳар бир ўйинда гол уриб келмоқда. Ҳимоячи сифатида уни қандай зарарсизлантирдингиз?
- Ҳумоюн кучли футболчи. Лекин биз ҳам кам эмасмиз (кулади).
- "Андижон" бринчи даврада ҳам "Турон"ни Яйпанда мағлуб этган эди. Олдинда кубок баҳси кутиб турибди...
- Умид қиламанки, кубокда ҳам улардан устун кела оламиз. Ким яхши эканлигини яна бир бор кўрсатамиз.
- Бу ғалаба чемпионлик йўлида катта қадам ташланганига ишорами?
- Бўшашиш керак эмас. Олдинда ўйинлар кўп. Ғалабаларимизда мухлисларнинг ҳам ҳиссаси катта бўлмоқда. Улар билан майдонда 12 киши бўлиб тўп тепамиз. Қўллаб-қувватлашаётгани учун раҳмат айтаман.
Абдулазиз Искандаров суҳбатлашди
