Заҳер 2024 йили Хартум шаҳридаги дрон зарбаси оқибатида иккала оёғидан айрилган эди. У ҳозирда Мисрда реабилитация жараёнини ўтамоқда ва унга протезлар ўрнатилган. 2025 йилда у журналистларга ўзининг энг севимли ўйинчиси Винисиус Жуниор эканлигини таъкидлаган эди.
Куни кеча репортёрлар 13 ёшли болага бразилиялик футболчининг видеомурожаатини кўрсатишди.
"Заҳер, марҳабо (салом). Мен сенинг тарихингни эшитдим. Сўнгги бир неча ой ичида сенга қанчалик оғир бўлганини тасаввур қила оламан. Сен меҳнаткаш қоратанли йигитсан. Янги протезларингдан унумли фойдаланиб, яна футбол ўйнашга қайтишингга ва бахт топишингга чин дилдан умид қиламан. Сен бунга муносибсан. Мен сени "Мадрид"нинг ўйинига таклиф қилмоқчиман. Биз бир кунни бирга ўтказишимиз мумкин", — деди Винисиус.
"Винисиусга уни яхши кўришимни етказиб қўйинглар. Унинг мурожаати мени жуда илҳомлантирди", — дея муносабат билдирди Заҳер.
