Уэйн Руни билан интервью

Унда Руни энг секин ва тез ўйинчилар, севимли мусиқаси, голи, Жозе Моуриньо, Ибрагимович ва бошқа турли мавзуларда берилган саволларга фикрларини айтиб ўтди.

– Жозе Моуриньо билан ишдан қандай таассуротларга эгасиз?

– Барчаси ажойиб. Қўлимизни туширмасдан ишлаяпмиз. Энди унинг барча собиқ клублари билан нега муваффақиятга эришгани тушунарли. Унинг қўл остида кейинги учрашувларни сабрсизлик билан кутяпман.

– Майдонда қандай қилиб етакчига айландингиз? Буни ўргандингизми ёки ҳаммаси ўз-ўзидан содир бўлдими?

– Ўз-ўзидан. Рой Кин, Гари Невилл, Стивен Жеррард ва бошқа ўйинчилар ўзини қандай тутишини кузатдим – бу изсиз кетмади. Жамоадаги шерикларим мендан нима кутиши ва улардан нима кутишимни тушуниб етдим.

– Хайрия фондингиз Африкада ишлайдими?

– Ҳозирча биз мен ва оиламга алоқаси бор болалар билан ишлаяпмиз. Айни пайтда бу маҳаллий тоифада амалга оширилмоқда. Келажакда кенгайишни режалаштиряпмиз. Шу жумладан, Африка ҳудудида ишлашни ҳам.

– Энг севимли ўйинингиз қайси?

– Москвада “Челси”га қарши Чемпионлар лигаси финали. Ўйин осон кечмаган, пенальтилар серияси ҳаммасини ҳал қилганди. Ютқазадиганга ўхшагандик. Лекин ўша ғалабадан кейин барча ишониб бўлмас ҳисларни туйди. Бошқа учрашувларда бундай роҳатланиш бўлмаганди.

– “МЮ”нинг энг тез футболчиси ким?

– Антонио Валенсия, Антони Мартиал, Люк Шоу.

– Жамоа футболчилари одамда нима истеъмол қилишади?

– Мева, йогурт билан нонушта қиламиз. Тушликда спагетти, товуқ гўшти, балиқ ейиш мумкин. Кечки овқатда эса товуқ ва сабзавотлар. Ҳаммаси оддий, ҳатто етмайдигандек туюлади. Муҳими ҳолатни бирдек сақлаш.

– Қандай мусиқа тинглайсиз?

– Инди-рокни ёқтираман: Жеймс Бэй, Эд Ширан, Стереофоникс. Мен учун бу энг яхши мусиқа. Улар кулай олишади, чолғуларни чалишади ва шу билан бошқа мусиқачилардан фарқ қилишади.

– “Юнайтед”нинг энг секин футболчиси ким?

–Дэйли Блинд (кулади). У барчасини тез ўйлаши билан маромга келтиради.

– Бу мавсум сиздан ўзига хос голлар кутсак бўладими?

– Умид қиламанки, ҳа. Ҳар бир урилган гол ёқимли. Қийин учрашувда ғалаба голи тасаввур қилиш мумкин бўлганидан яхшироқ. Бундай тўплар узоқ вақт эсда қолади.

– Қайси голингиз хотираннизда сақланиб қолган?

– “Манчестер Сити”га қарши чалқанчасига урган голим энг яхшиси. У дербида бизга ғалаба келтирган. Энг кўп сақланиб қолгани эса 19-чемпионлик келтирган учрашувда “Блэкберн” дарвозасига пенальтидан киритган тўпим.

– Қачондир мураббий бўлишни хоҳлармидингиз?

– Ҳа. Футбол – бутун ҳаётим. Мураббий лицензиясини олишга умид қиламан. Фаолиятимни тугатганимда бу билан шуғулланаман. Кимдир менга шундай имкон тақдим этса, бу билан машғул бўламан.

– Златан Ибрагимович билан биргаликда ўйнаш хоҳиши кучлими?

– Ҳа. Уни жаҳонда охирги ўн йилликда энг яхши ҳужумчилардан бири деб ҳисоблайман. У ҳар бир клубида соврин ютган. Умид қиламанки, биз чиқишиб кетамиз.

Беҳзод НАЗАРОВ тайёрлади.