УEФА “Вентспилс”ни 7 йилга еврокубоклардан четлатди. Клуб собиқ раҳбари келишилган ўйинларда қатнашган

Латвия клуби фирибгарлик, порахўрлик ва/ёки коррупцияда (УEФА интизом регламентининг 11,2а моддаси), мусобақалар ва ўйинлардаги адолатли ёндашувни бузишда (УEФА интизом регламентининг 12,2а ва 12,2б моддалари) айбланмоқда.

Шу билан бирга спорт директори Николай Дьякин (4 йилга) ва “Вентспилс” собиқ раҳбари Афлан Шишхановни (бир умрга) футболдаги фаолиятидан четлатиш ҳақида қарор қабул қилинди. УEФА ФИФАдан ушбу дисквалификация ҳақида бутун дунёни хабардор қилишни сўради.

Юқоридаги жазо Европа Лигаси 2018/19 йилги мавсум 2-саралаш босқичининг "Вентспилс" - "Бордо" (0:1) баҳси билан боғлиқ.

Аввалроқ, ушбу ўйинга тайинланган россиялик ҳакам Сергей Лапочкин УEФА томонидан 10 йилга дисквалификация қилингани хабар қилинганди. У баҳс натижасига таъсир ўтказишни сўраган шахслар ҳақида УEФАни огоҳлантирмаган.