Бекободда "Металлург"га ютқазган "Турон" клуби кейинги мавсумни Про лигада ўтказиши аниқ бўлди.
Бундан ташқари ўз майдонида "Навбаҳор"га мағлуб бўлган "Андижон" ҳам сўнгги турда қандай натижа қайд этишидан қатий назар 13-ўриндан тепага чиқа олмайди.
Айни пайтда "Сурхон" ва "Металлург" клубларида "Андижон"дан 3 очколик фарқ бор. Водий клуби сўнгги турда ғалаба қозониб бу клублага етиб олган тақдирда ҳам ўзаро ўйинларга кўра улардан устун бўла олмайди.
Ўзаро ўйинлар:
Андижон - Сурхон 1:0
Сурхон - Андижон 2:0
Андижон - Металлург 1:2
Металлург - Андижон 2:0
Маълумот учун, регламентга кўра 13 ва 14-ўриндаги жамоалар тўғридан-тўғри Про лигага тушиб кетишади. 12-ўринни эгаллаган жамоа эса 2 декабрь куни плей-оффда Про лигада 3-ўринни олган "Олимпик" клуби меҳмони бўлади.
Суперлигада сўнгги тур баҳслари 27 ноябрь куни бўлиб ўтади.
