"Тоттенхэм" Кейнни сақлаб олиш учун ҳар қандай ишга тайёр
20 апр 2022 22:25
Янгиликлар

"Тоттенхэм" Кейнни сақлаб олиш учун ҳар қандай ишга тайёр

Лондоннинг "Тоттенхэм" клуби ўз тарихидаги энг яхши тўпурар Харри Кейн билан хайрлашмоқчи эмас.

Фабрицио Романонинг ижтимоий тармоқларда ёзишича, "шпорлар" инглиз футболчисини жамоада сақлаб қолиш учун ҳар қандай имкониятни ишга солишга тайёр.

Манбанинг хабарига кўра, Кейнни сақлаб қолиш "Тоттенхэм" бош мураббийи Антонио Контенинг асосий талаби бўлиб, у келгуси мавсумларда клубнинг етакчилик амбицияларини кучайтиришга бел боғлаган. Айнан Конте ва спорт директори Фабио Паратичи туфайли Кейн клубнинг режаларига амин бўла бошлади.

Эслатиб ўтамиз, "Тоттенхэм" сўнгги 5 ўйинда 4 та ғалабага эришди. Унда "шпорлар" 14 та гол уриб, ўз дарвозасидан атиги 3 та гол ўтказиб юборган.

Ҳавола :

Манба : twitter.com/FabrizioRomano

Янгиликларни Телеграмда ўқинг!

Рейтинг: +3